Dowladda walaalaha ee Jabuuti oo si dhaw ula socota xaaladaha ka taagan Soomaaliya ayaa ka hadashay khilaafka soo kala dhex galay dowladda Federalka iyo maamul Goboleedyada dalka.
Saleebaan Daahir Bile waxa uu kamid yahay Xildhibaanada Baarlamaanka dalka Jabuuti waxa uu sheegay in dowladda Jabuuti ay diyaar u tahay iney Soomaaliya ka qaadato kaalinteeda wanaagsan, waxaana mudadii dhibaatada ay heystay Shacabka Soomaaliyeed ay kamid aheyd Jabuuti dowladaha aad u daneeya horumarka Soomaaliya
Xildhibaanka ayaa sheegay in muhiimad gaar ah leedahay in madaxda Soomaalida heshiiso si xal waaro loo gaaro isagoo intaa ku daray in ay gacan ka geysan doonaan xalinta khilaafka u dhaxeeya Dowladda Dhaxe iyo maamul goboleedyada.
