Philippe Coutinho ayaa sii wada inuu isku qoro buugga taariikhda Barcelona, toban bilood kaddib markii uu ku biiray kooxda reer Catalonia.
Xiddiga reer Brazil ayaa gool qurux badan oo uu xalay ka dhaliyay Tottenham waxa uu ku galay buugga taariikhda ee Barcelona, kaddib markii loo aqoonsaday in goolkiisu ahaa kii ugu degdegga badnaa ee Blaugrana ay ka dhaliso kulamada ay martida tahay ee tartanka Champions League.
Coutinho ayay ku qaadatay in ciyaarta oo socota 92 sekan oo kaliya oo uu goolka koowaad u dhaliyo Barcelona, ciyaartii garoonka Wembley ay 4-2 kaga adkaadeen Tottenham, waxaana kubbad sameeyahan hore ee Liverpool uu laag awood badan dhinac bidix ee shabaqa uu waardiyaha ka ahaa Hugo Llores ka dhex dhigay kubbad awood badan oo ay awoodi kari waayeen difaacyahannadu inay badbaadiyaan.
Goolka ugu degdegga badan ee Barcelona ay Champions League ka dhalisay waxa uu u meel u yaallaa laacibkii reer Holland ee Mark van Bommel oo hadda ah tababaraha PSV, kaas oo kulan ay Barcelona garoonka Camp Nou ku martigelisay Panathinaikos xili ciyaareedkii 2005/06 uu shabaqa taabsiiyey kubadda iyadoo ciyaartu socotay 43 ilbidhiqsi oo kaliya.
