Doorashada kursi kamid ah golaha shacabka oo maanta lagu qabtay magaalada Garoowe ee maamulka Puntland waxaa ku guuleystay Mudane Jamaal Maxamed Xasan oo ah wasiirka Qorsheynta Soomaaliya .
Xaliimo Ismaaciil Ibraahim (Xaliimo Yarey) Guddoomiyaha Guddiga Madaxa banaan ee Doorashooyinka Qaranka ayaa ku dhawaaqday in xildhibaan loo doortay wasiir Jamaal.
Wasiirka ayaa helay codad gaaraya 49-cod, waxaana kula tartamayay Mudane Maxamuud Cabdullaahi.
Madashada ay doorashada ka dhacday waxaa goob joog ahaa masuuliyiin katirsan Puntland oo uu kamid ahaa Madaxweyne Kuxigeenka Dowlad-goboleedka Puntland C/raxmaan Xaaji Cumar (Camey) madaxda Guddiga Doorashooyinka Qaranka, Ergooyinka wax dooranayey iyo marti sharaf kale.
