Soomaaliya ayaa ku soobaxday tartan codeyn ah oo ay la gashay dalal African ah kuwaa oo raadinayay in ay kamid noqdaan xubinnimada Golaha Xuquuqul Insaanka Qaramada Midoobey, waxaana Soomaaliya loo doortay xubinnimadaasi muddo saddex sano ah oo ka bilaabaneysa 1 Janaayo, 2019-2021, waxaana ay ku soo baxday 170 cod.
Ergeyga Joogtada ah ee Jamhuuriyadda Federaalka Soomaaliya u qaabilsan Xarunta Qaramada Midoobey ee New York Abuukar Daahir Cusmaan ayaa dadaal dheer ku bixiyay in Soomaaliya xubin cusub ka noqoto Golaha Xuquuqul Insaanka ee Qaramada Midoobey.
Koox dalal African ah ayaa Soomaaliya kula tartamayay kursiga Xuquuqul Insaanka Qaramada Midoobay kuwaa oo kala ah Burkina Faso, Cameroon, Eritrea iyo Togo, iyadoo Soomaaliya lagu doortay cod aqlabiyad leh oo ah 170 cod oo ka qeyb ah 193 codeeyeyaal.
