Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo gaaray magaalada Marka ee gobalka Shabeelaha Hoose ayaa kulamo la qaatay bulshada ku dhaqan magaaladaasi iyo guutada 14-ka Oktoobar ee xoogga dalka.
Madaxweynaha ayaa aad u dhiro geliyay dhiirrigeliyo Guutada 14ka Oktoobar ee Ciidanka Xoogga Dalka Soomaaliyeed oo ku hirgashay baaqii Madaxweynaha ee ku aaddanaa in dhallinyaradu ay u istaagaan difaaca dalkooda, kaddib xasuuqii Soobbe ee 14kii Oktoobar sannadkii 2017kii.
Madaxweyne Maxamed Cabdullaahi Farmaajo ayaa sidoo kale kulamo la tashi ah waxa uu la qaatay waxgaradka iyo odayaasha dhaqanka, isagoona kala hadlay in ay dardargeliyaan kaalinta ay ku leeyihiin nabadeynta iyo dib u heshiisiinta bulshada deegaanka.
