Wafdi ka socday Midowga Yurub oo uu hoggaaminayey agaasimaha Guud ee Iskaashiga Caalamiga iyo Horumarinta Midowga Yurub Mr Stefano Manservisi ayaa si wadajir ah kulan ula qaatay Guddoonka Golaha iyo Guddiga joogtada ah ee Aqalka sare.
Guddoomiyaha Golaha Aqalka sare Mudane Cabdi Xaashi C/llaahi ayaa shir gudoominayay kulanka
Mr. Stefano Manservisi ayaa ammaanay horumarka dalka ka socda gaar ahaan dadaalada xubnaha Aqalka sare ee ku aadan dastuurka dalka,Federaaleynta iyo adkeynta Dowladda Federaalka iyo Dowlad Gobolleedyada, waxaana uu sheegay in ay gacan ka sii doonaan dowladda howlaha ay wado.
Intii uu kulanka socday waxaa diiradda lagu saaray howlaha Aqalka Sare iyo Taageerada laga heli karo midowga Yurub waxaana Guddoomiyaha Golaha Aqalka sare ee Baarlamaanka Jamhuuriyadda Federaalka Soomaaliya Mudane Cabdi Xaashi C/llaahi ayaa Midowga Yurub uga mahad celiyay dowrka ay ka qaadanayaan dib u dhiska iyo horumarka dalka.
