Madaxweynaha Jamhuuriyadda Federaalka Soomaaliya, Mudane Maxamed C/llaahi Farmaajo oo shir Guddoominaya shirka Golaha Wasiirrada ee XFS ayaa xukuumadda ku bogaadiyay howlaheeda shaqo.
Shirka golaha wasiiradda xukuumadda Soomaaliya oo khamiis walba la qabto ayaa waxa maanta shir gudoomiyay Madaxweynaha Jamhuuriyadda Federalka Soomaaliya Maxamed Cabdullahi Farmaajo, waxaana goobjoog ka ahaa Ra’iisul wasaaraha Dalka mudane, Xasan Cali Kheyre, RW ku xigeenka Dalka, golaha iyo dhamaan xubnaha golaha wasiiradda iyo guddiyadooda kala duwan.
Warbixinnada Guddiyada kala duwan ee Golaha Wasiirada Xukumadda Federaalka Soomaaliya ayaa la dhageystay walina lama soo saarin war-murtieedka Shirka golaha wasiirada.
Intii uu shirka socday waxaa la soo bandhigay wax qabadka xukuumadda iyo qorshayaasha u degsan mustaqbalka waxaana kamid ah: Tubta Siyaasadda loo dhan yahay,Tubta dhaqaalaha, Tubta arrimaha bulshada, Tubta amniga iyo caddaaladda.
