Wargeyska “The Sun” ee dalka England ayaa wuxuu daboolka ka qaaday in macalinka reer Talyaani ee Antonio Conte uu xiiseenayo inuu noqdo badalka Jose Mourinho ee kooxda Manchester United.
Wararka ayaa waxay intaas kusii darayaan in Antonio Conte uu xiiseenayo leylinta kooxda reer England ee Red Devils in ka badan Real Madrid.
Wargeysyada dalka Spain ayaa waxay sidoo kale sheegeen in Antonio Conte uu yahay musharaxa ugu cad cad ee la filayo inuu badal u noqdo badalka Julen Lopetegui ee kooxda Real Madrid.
Kooxda Real Madrid ayaa si rasmi ah u xaqiijisay inay shaqada ka Ceyrisay tababare Julen Lopetegui Isniintii lasoo dhaafay, iyadoona si ku meel gaar ah haatan xilka kooxda loogu sii dhiibay Santiago Solari.
Sidoo kale waxaa xusid mudan in wargeysyada gudaha dalka Spain ay shaaca ka qaadeen in ay suuragal tahay in Jose Mourinho uu dib ugu laabto kooxda Real Madrid.
