Gudoomiyaha Gobolka Banaadir, ahna Duqa Muqdisho, mudane Cabdiraxmaan Cumar Cusmaan (Eng Yariisow) ayaa ka codsaday mucaaradka ku ah dowlada in aysan siyaasadayn arrimaha amniga.
Eng Yariisow ayaa si cad daboolka uga qaaday inay tahay wax anan loo dulqaadan karin in siyaasiyiinta ay buun-buuniyaan kooxda Al-Shabaab, isaga oo ugu baaqay inay ka waan-toobaan.
Duqa Muqdisho ayaa carabka ku dhuftay in shacabka Soomaaliyeed ay fahmeen siyaasiyiintaasi uu ku sifeeyay “qas-wadayaal”, isaga oo xusay in dalka uu waqti xaadirkaan ubahan yahay siyaasi wax dhisaya.
Gudoomiyaha gobolka Banaadir ayaa ku nuux-nuux saday inay u aqoonsanaya siyaasiyiinta buunbuunisa ficilada Al-Shabaab inay lamid yihiin dagaalamayaasha hubeysan.
Ugu dambeyntii, Gudoomiye Yariisow ayaa ugu baaqay siyaasiyiinta inay ka qayb-qaateen horumarka dalka, nabadeyntiisa iyo sidii dowladnimada Soomaaliya ay dib ugu soo laaban lahayd.
