Xukuumadda Baqdaad ee dalka Ciraaq ayaa Bandow ku soo rogtay qaar kamid ah magaalooyin dhaca dalkaasi gaar ahaan kuwa Koofureed, oo dibadbaxayo dowladda looga soo horjeedo ay ka dhaceen.
Banaabaxyada oo ah kuwa xoog leh oo rabshada wata waxaa ku dhintay 9 qof iyagoo Saddex maalin oo isku xigta ka socday magaalada Baqdaad iyo meelo kale.
Iska horimaad Arbacadii ka dhacay magaalada Nasriya, waxaa ku dhintay 8 qof oo Askari kamid yahay kadib markii ay ciidamada rasaas ku fureen shacabka ka mudaharaadaya xaalada nolosha dalkaasi iyo musuq maasuqa dowlada uu hogaamiyo Raysalwasaare Adel Abdel Mahdi oo xilka haya muddo 1 sano ah.
Shacabka ayaa sheegaya inay sii wadi doonaan banaanbaxa ay ku muujinayaan inaysan helin wax adeeg dowladeeda ah oo ay u dheertahay koronto la’aan iyo biyo-yaraan ka jirta magaalooyinka waaweyn, xili dowladda ay Bandow soo rogtay.
Bandhiga Media
Mogadishu-Somalia
