Wiil Soomaali ah oo 11 bilood jira ayey dawladda Denmark kasoo bad-baadisay waqooyiga dalka Syria kaddib markii waalidkiis ay ku dhinteen dagaallada wali ka sii holcaya dalkaasi Syria.
Ehellada wiilkaasi ayaa idaacadda ku hadasha afka dowladda Maraykanka u sheegay in wiilkan laga soo qaaday magaalada Erbil, isagoo markiisii hore laga keenay xerada Al-Xuul halkaasi oo lagu xannaanaynayey tan iyo bishii Maarso ee sannadkan.
Xilligaas oo la sheegay inay hooyadiis iyo aabbihiisba ay ku dhinteen Syria, sida la aaminsan yahay.
Keenista wiilkaasi ka sokow waxaa la sheegay in dalka Jarmalka lagu soo celiyey ilaa Saddex gabdhood oo mid ka mid ah asalkeedu yahay Soomaali, halka mid kale oo Jarmal ahna ay u dhaxday nin Soomaali ah oo ay carruur u dhashay.
Colaadaha Syria oo ay saameeyeen shacabweynaha dalkaasi ayaa waxaa haddana jira dad Soomaali ah oo saameyn ay ku yeesheen.
Bandhiga Media
Muqdisho, Soomaaliya
