Senator Ilyaas Cali Xasan oo kamid ah xildhibaanada golaha Aqalka Sare ee laga soo doortay Koofur Galbeed ayaa si kulul uga hadlay xad gudubka ciidamada Itoobiya ka geesteen Bardaale iyo diyaaradii ay halkaasi ku soo rideen.
“Hadda waan fahaney Farmaajoow waxa adiga iyo Abiy Ahmed idinka dhaxeeyo Baarlamaanka Federalka Soomaaliya iyo umada Soomaaliyeed waxa aad ka qarineysey inaad u sharaxdo laakiin Ilaah ayaa banaanka keeney ceebtaada” Senator Ilyaas Cali Xasan ayaa sidoo kale wacad ku maray in Farmaajo laga qaadi doonaan go’aano sharci oo kadhan ah ku xad gudubka madax banaanida dhulka iyo dhiiga Berdaale uu sheegay in daadintiiisa uu ka dambeeyay madaxweynaha
“Soo gelitaanka Ciidanka Ethiopia ee aan qeeybta ka aheyn AMISOM waxay si cad uga soo horjeedaa sharafta iyo madaxa banaanida dhulka Soomaaliyeed” ayuu yiri Senator Ilyaas oo ka hadlay sheegashada ciidamada Itoobiya iney soo rideen diyaaradii Bardaale ku burburtay ee waday gargaarka caafimaad
Ciidamada Itoobiya ayaa si cad u sheegtay iney diyaaradda dhulka dhigeen iyagoo ku marmar siyooday iney ka shakiyeen
Mogadishu-Somalia
