Khasaaraha kala duwan ee ka dhashay qaraxii Ismiidaaminta ahaa ee ka dhacay magaalada Muqdisho gaar ahaan maqaayadda Jelato Divino ayaa sii kordhay.
Waxaa la soo warinayaa in 10 qof kabadan ay ku dhinteen qaraxa oo dhalinyaro u badan iyadoo dhaawaca uu kor u dhaafayo 20 ruux.
Dadka qaraxa ku dhintay ayaa u badnaa dhalinyaro dibadda ka yimid, kuwa dalka joogay oo wax ku bartay iyo kuwa horay dalka u yimid oo nolosha qurbaha isaga soo tagay.
Qof isa soo miidaamiyay ayaa qaraxa fuliyay waxaana uu beegsaday goob ay fadhiyeen dhalinyaro badan oo asxaab ahaa, waxaana halkaasi ku naf waayay dhalinyaro badan oo wax bartay nolosha hami badan ka lahaa.
Wiil shalay dalka kusoo laabtay oo safar dibadda ah u maqnaa ayaa kamid noqday dadka qaraxa ku dhintay.
Argagixisada Al Shabaab ayaa durba sheegatay masuuliyada qaraxan khasaaraha badan geestay,.
Mogadishu-Somalia
