Nuux Sheekh Nuur oo ah 8 Jir waxaa qeyb ahaan qeyb ahaan jirkiisa dhaawac ba’an u geystay nin dadka deegaanka ay ku sheegeen Juudaan, waxa uu ka qaniinay isha agteeda iyo dhuunta, sida ka muuqata sawirka Nuux.
Waxaa oohinta wiilka yar ku soo baxday Haweeneyn ka mid ah dadka deegaan, caawinteeda ayaa sababtay in dad badan ay isku soo baxaan, kuwaasi oo ceersaday ninka geystay falka, ugu danbeyntii waxa ay ku guuleysteen in ay ku soo dhigaan gacanta. Ninka ay ku sheegeen dad cunka waxa uu ku xiran yahay mid ah saldhigyada Muqdisho.
Aabo Sheek Nuur ayaa sheegay in ninka uu xiran yahay sidoo kale, uu yahay nin labisan oo aan laga maleysan Karin cunista dadka,, waxa uu yiri “wiilka madaxa ayuu ka salaaxay ka dib ayuu ku qabtay qaniinyo aad ayaan uga naxay dhibka gaaray wiilkeyga markaasi waan ka maqnaa xaafada maadaama aan la daaladhacayo raadinta nolol maalmeedka reerka”
Nuux ayaa la tolay sideed qodob waxa ay sheegeen dhaqaatiirtii daaweysay in dhaawaca ku yaallo uu yahay qaniinyo, dadka ku nool dagmada Xamar Jajab ayaa la fajacay dhacdadan, sidoo kale waxa ay muujinayaan Cabsi xoogan, oo ku saabsan halis ku foolan caruurtooda.
W/Q Nasriin Maxamed Ibraahim
Mogadishu-Somalia
